--------------------------------------------------------------------------------
السلام عليكم ورحمة الله
حابه انبهكم واحذركم من محل كوش اسمه " ازهار جود " اللي في حي الريان - شارع الامام الشافعي - مقابل محطة الدريس
صاحبه نصاب وحرامي اخذت منه لكوشة لزواج بنتي وبهذلني وفشلني
الكوشه حسبلي اياها بـ 10000 ألف قلنا معليش الورد غالي
تخيلو في يوم الزواج راسل للقاعه بنقاليه يركبون الكوشه قلنا معليش بعد . اصلن مافي وقت في يوم الزواج انا مشغوله وماغير يدي على قلبي ابي كل شي يطلع زين
اول شي مب على اللي اتفقنا عليه الورد صغيييير بالمره ونا متفقه معه ان الورد كبيير ؟؟؟
وزاد الطين بله نصه اصفر حسبي الله علييه قلنا يللله معليش مانقدر نغير شي الشكوى للله
الطامه الكبرى وييين ؟؟؟ مشبك لمبات الكوشه من دون كبس " مدخلها بالفيش بالسلك مافي كبس !!!!
تقريبا جو حوالي 20 حرمه وتطفى لمبات الكوشه فشلننننني دقيت عليه وجا يركبها ونا وجهي محمر من الفشله اقول للحريم تغطو شوي بيجي رجال يزين الكوشه وبطلع . وزينها وعدت على خير وفي وسط الزفه طفت لمبه اقول للمشرفات حقات القاعه اشبكوها الله يعافيكم يردون علي شلون نشبكلها محيوسه الاسلاك مع بعضها ونخاف نحرك شي يطفى شي ثاني ونا فيني الصيحه على ذا البهذله وماغير ادعي عليه وعلى اخر الحفل لمن راحو المعازيم صار التماس في القاعه تخيلووووو !!!!!! طفت لمبات القاعه اشوى ان كاان فيه احد ولا كان لقطت وجهي
وكلمته وقال معليش ووو من هالكلام يتأسف ؟؟ وانا وش ابي باسفك بعد مافشلتني
قلت له عوضني على هالبهذله !! والـ 10000 ألف مب شويه عشان اتبهذل ونا دافعتها ؟؟؟؟
وابشركم ماصار يرد علي يسفهني !!!!!
هذا كرته وجيت هنا احذركم منه والله مب حسد لاني ماراح استفيد شي فلوسي وراحت على الفاضي بس ما ابغى لاحد يصير له زي ماصار لي يا اني تبهذلت بهذله مايعلم فيها الا الله مع هالكوشه
وحب لغيرك كما تحب لنفسك
واللله اني ماقلت الا الحق
والله يبعد عن الجمبيع النصابين والحراميه
